Ээ дээ, энэ хүүхнүүд үү...

Хүнд аура гэдэг гэрэл байдаг гэж уншиж байлаа. Тэгээд тэр гэрэл нь эвдрэхээр, эсвэл бие  нь өвдсөн газраа гэрэл сааралтдаг гэж ойлгож билээ.

Гэтэл орчноо хүн өөрөө бүрдүүлдэг гэнэ. Хөөрч баярладаг, инээд цалгисан гэр бүл, сайхан зүйл боддог, зөв амьдардаг хэн бүхний гэр орон, орчин тойрны эд хогшил тэрхүү байдлыг мэдрэн эргүүлээд, тийм энерги / эрчим / ялгаруулдаг гэлээ. Өгвөл өгье гэдэгтэй ижил. Эсрэгээрээ бол эсрэгээр.

Юм бүхэн учир холбогдолтой юм аа. Иран Иракад болж буй дайн самуунд нэрвэгдсэн ард олон айж чичирдэг байна. Уул ус, агаар, хөрс бас айдаст авдаг. Энэ айдас нь салхиар, усаар, хөрсөөр дамжсаар газар хөдлөлт, далайн шуурга болон нэгдэж, байгаль дэлхий бас л өөрийнхөөрөө айж, ширвээтсэнээ илэрхийлдэг гэнэм.

Орчин цагийн эрдэмтэд ертөнцийн мэдээллийн сантай холбоотой судалгаа хийгээд, хүн төрөлхтөн материалист үзлийг илүүд үздэг шинжлэх ухааныг идеалист '' хэв маягтай '' хамтруулан судлавал дэвшингүй хөгжих, эх дэлхийтэй хамт удаан жаргалтай оршин тогтнох эх үндсийг нээх боломжтой гэсэн байх юм.

Аавынд нэгэн шармал бурхан бий. Гарал нь нагац ах гадаадад явж байх үед эмээд зориулан худалдаж авчирсан тул би тоодоггүй. Үе дамжин шүтэгдсэн бол тоох байсан юм байлгүй, хэхэ. Гэртээ очоод бурхан байдаг хүндэтгэлийн тавцангийн 2  газар чихэр эсвэл аваачсан зүйлийнхээ дээжийг тавих байсан ч, тоогоогүйгээс урд нь тавьдаггүй байсан юм. Тэгсэн ээжид '' юм мэддэг  '' хүн  ... танай шармал бурхан ингэж хэлүүлж байна.

- Шороо тоосонд дарагдахгүй.  Гуунд баймаар байна гэж байна гэжээ. Инээд хүрэн сонсож байснаа бодлоо. Нэгэн хүү алс хол газрыг зорин эрдэм сурахаар явж л дээ. Хөгшин настай ээж нь шүтэх гуулин бурхан авчрахыг захиж. Хүү эрдмийг өвөрлөсөн ч, эхийнхээ захиасыг умартсанаа гэрийнхээ ойролцоо ирээд санажээ. Сандарсандаа, уулын чулууг хадганд боогоод гэртээ орж дээ. Ээж нь миний захисан бурхан гээд, авдран дээрээ залан өглөө бүр сүү, цайныхаа дээжийг өргөнө. Хүү нь, нээж харвал чулуу болчихно  шүү гэсэн тул хадагтай нь л шүтдэг байж. Насан эцэслэхийн өмнө сүүлийн үгээ хүүдээ шивгэнэсэн нь, хүүгийнхээ авчирсан бурханг хараад нүд аних хүсэл байж.

Хүү халгасаар, хадагтай зүйлийг нээхэд алтан шаргал бурхан наранд гялбам гэрэл ойлгож байсан гэдэг.

Бодит зүйлийг байхгүй мэт зүйлээр төлөөлүүлэхээ гэж...